გაზაფხულის ტური-მეორე წრის კითხვები

პირველი ჯგუფი

ბავარიელი მეცნიერები ამტკიცებენ, რომ მისი რეალური პროტოტიპი იყო ქალი-მარია ფონ ერტალი, რომელიც ცხოვრობდა მამის ციხე-სიმაგრეში, ხოლო მათ პროტოტიპებად კი თვლიან ადგილობრივ მეშახტეებს, რომლებიც დადიოდნენ ფართე ქუდებით, რომლებიც მათ ქვებისგან იცავდა. დაასახელეთ ნაწარმოები, რომელშიც ისინი ერთად გვხვდებიან.
ფიფქია და 7 ჯუჯა
ცოტასთვის თუ არის ცნობილი კუნძული ტრისტან და კუნია, ყველაზე მოშორებული დასახლებული კუნძული, რომელიც ატლანტიკის სამხრეთ ნაწილშია, თუმცა ჩვენს შორის ბევრმა იცის მასთან ახლოს მყოფი დასახლებული კუნძული, რომელიც მისგან ჩრდილო-აღმოსავლეთით 2120კმ. მდებარეობს. რომელი რეალური ადამიანის წყალობით გახდა ის ცნობილი?
ნაპოლეონის (ეს არის წმ. ელენეს კუნძული)
გამონათქვამმა ”ცეცხლითა და მახვილით” რომაელი პოეტების ოვიდიუსის და პროპერციუსის შემდეგ მიიღო მნიშვნელობა ”დაუზოგავად განადგურებისა”. თუმცა თვდაპირველად მას სულ სხვა დანიშნულებით იყენებდნენ. რა მიზნით?
სამკურნალო
1389 წელს ასწლიან ომთან დაკავშირებით , ინგლისის მეფემ რიჩრდ მეორემ გამოსცა კანონი, რომელიც კრძალავდა ყველა სახის სახალხო თამაშობებს, გარდა ერთისა. რომლის?
მშვილდიდან სროლა
როგორც ბევრი თქვენგანისთვის არის ცნობილი, სიტყვა ”ტრაპეცია ” წარმოიშვა ბერძნული სიტყვიდან ”მაგიდა”. სიტყვა ”რომბი” - ბერძნული სიტყვიდან ”დაირა”. რას აღნიშნავდა ბერძნული სიტყვა “KUBOS” , საიდანაც წარმოიშვა სიტყვა ”კუბი”, თუ ის გამოიყენება ერთ-ერთი თამაშისას და დევს შავ ყუთში?
კამათელი
ის შეიქმნა ჩვ.წ. აღ. - მდე 450 წელს. მსოფლიო პოპულარობა მოიხვეჭა 1896 წელს. მისი მარცხენა ხელი დევს მარჯვენა მუხლზე. რა უჭირავს მას მარჯვენა ხელში?
ბადრო (დისკო)
ევროს ბანკნოტებზე წარწერები მინიმუმამდეა დაყვანილი, იმისათვის, რომ არ გაიმეორონ ის ყველა ქვეყნის ენაზე.თუმცა ვალუტის დასახელება ”ევრო” დაწერილია ორჯერ. ერთხელ ლათინური შრიფტით. რა ენაზეა დაწერილი მეორე წარწერა?
ბერძნულად.
რუსულ არმიაში არსებობდა მოძრავი ეკლესიები, სადაც ტარდებოდა წირვები სხვადასხვა მოვლენებთან დაკავშირებით. მაგალითდ, თუ არმია მიდიოდა საბრძოლველად, მაშინ წირვას სწირავდნენ წმიდა ნიკოლოზს, როგორც მოგზაურთა მფარველს. ვის სწირავდნენ წირვას, როცა შეიარაღებაში ახალ თვითმფრინავს იღებდნენ?
ელია წინასწარმეტყველს
პოპულარულ მუსიკალურ კონკურსზე ”ევროვიზია - 2000” თითოეული მონაწილის გამოსვლის წინ აჩვენებდნენ მცირე ვიდეორგოლს, რომელიც ახასიათებდა მის ქვეყანას. რუმნიელი კონკურსანტის წინ აჩვენეს ასეთი ვიდეორგოლი - ”მასკარადზე არ უშვებენ არავის, თუ არ აცვია მასკარადის კოსტუმი, შემოდის ერთი ადამიანი ფრაკში, უღიმის შვეიცარს და ისიც უშვებს მას შიგნით. ვინ იყო ეს ადამიანი?
გრაფი დრაკულა.
ვოლფგანგ ამადეი მოცარტს კითხეს, როგორ ახერხებს ის ასე სწრაფად სიმფონიების შექმნას? - არაფერი საოცარი არ არის, თქვა კომპოზიტორმა - სიმფონიები თავისით ჟღერენ თავში. პრობლემა სხვა რამეშია, მაშ რაში იყო პრობლემა მოცარტის აზრით?
დროულად ჩაწერაში.
დაასრულეთ იტალური ანდაზა ორი სიტყვით: ”არ გაეკიდო არც ქალს და არც ტრამვაის, აუცილებლად ....”
მოვა შემდეგი
1968 წლის გაზაფხულზე პარიზში სტუდენტების გამოსვლის დროს მანიფესტანტებს ჰქონდათ ლოზუნგი "40–1000–60". ამ ლოზუნგით ისინი ითხოვდნენ მთავრობისაგან მინიმალურ 1000 ფრანკს ხელფასს საფრანგეთში, 60 წელს საპენსიო ასაკს და 40... ყურადღება შეკითხვა: დაასახელეთ მახსიმალურად ზუსტად რას აღნიშნავდა მათ მოთხოვნებში რიცხვი 40, თუ დღესდღეობით ეს რიცხვი საფრანგეთში 35–ს შეადგენს?
სამუშაო საათების რაოდენობა კვირაში.


მეორე ჯგუფი

მათ შორის შეიძლება შევხვდეთ შემდეგ წარმომადგენლებს: სენატორს, კადეტს, დიპლომატს, ვარსკვლავს, ვეფხვს, ბერძნული ანბანის უკანასკნელ ასოს, კორსიკელს... დაასახელეთ 1837 წელს გერმანიაში დაბადებული ვინმე ადამის გვარი, რომელიც აერთიანებთ მათ.
ოპელი
ოთხად გადაკეცილ საწერ საშუალებას ძველ საბერძნეთში tetradion (ანუ ოთხეული) ეწოდებოდა, ამავე სიტყვიდან არის მიღებული რუსული тетрадь და სომხური ტეტრაკ, რაც ფაქტიურად ერთსა და იმავეს აღნიშნავს. ერთი წუთის შემდეგ დაასახელეთ ქართული სიტყვა, რომელიც ასევე ნაწარმოებია tetradion - იდან.
ეტრატი
ნეტარი ავგუსტინე ადამისა და ევას დაცემას უწოდებდა "Felix Culpa"-ს, ანუ "ბედნიერ ცოდვას". ყურადღება შეკითხვა: ვის დაბადებას მიიჩნევდა ის ამ ცოდვის ყველაზე ბედნიერ გამოვლინებად?
იესო ქრისტესი
სპარსულ ენაზე გველი ჟღერს როგორც “მაარ”, შხამი კი - როგორც “ზოჰრ". აი, თუ როგორ ჟღერს სპარსულად “გველის შხამი” მე თქვენ არ გეტყვით. ყურადღება შეკითხვა: დაასახელეთ ქართული სიტყვა, რომელიც წარმოდგა ამ სპარსული ფრაზისაგან, რომელიც თარგმანში “გველის შხამს” ნიშნავს.
ზახრუმა
ერთხელ, გადმოგვცემს ლეგენდა, მედიტაციის დროს, ბოდჰიდჰარმამ იგრძნო, რომ თვალები ეხუჭებოდა და ძალაუნებურად ეძინებოდა. მაშინ თავის თავზე გაბრაზებულმა ბოდჰიდჰარმამ ქუთუთოები მოიგლიჯა და მიწაზე დაყარა. ყურადღება შეკითხვა: რა მცენარე ამოვიდა ქუთუთოების დაყრის ადგილზე?
ჩაის ბუჩქი
პირველი სია წმინდა იპოლიტეთი იწყება და ფელიქს V–თი მთავრდება. მეორე სიაში, გავრცელებული მოსაზრების თანახმად, სია მეთევზეთი იწყება და ჯერჯერობით უკანასკნელი ამ სიაში ეროვნებით გერმანელია. ახლა კი დამისახელეთ ოთხასოიანი წინსართი, რომელიც პირველი სიის წარმომადგენლებს მეორე სიის წარმომადგენლებისგან განასხვავებს.
ანტი
რომის იმპერიას ჰყავდა სამი უდიდესი მტერი: სამხრეთიდან ჰანიბალი, აღმოსავლეთიდან მითრიდატე პონტოელი და დასავლეთიდან მარკუს სერტორიუსი, რომლებიც ერთნაირი შემართებითა და სიძულვილით ებრძოდნენ რომს. ამიტომ მითრიდატეს უწოდეს აღმოსავლელი ჰანიბალი, ხოლო სერტორიუსს დასავლელი ჰანიბალი. მაგრამ არის კიდევ ერთი საოცარი დამთხვევა, რაც მითრიდატეს და სერტორიუსს საერთო ჰქონდათ ჰანიბალთან. რა ფიზიკური ნაკლი ჰქონდა საერთო სამივე სარდალს?
სამივე იყო ცალთვალა
ვერაფრით გახდებოდა ცნობილი ერთი ირლანდიელი მღვდელი, რომ არა მისი სამი შვილი. სიღარიბის მიუხედავად მათ მაინც მიიღეს განათლება და მწერლობას მიჰყვეს ხელი. რა ეწოდება უფროსი შვილის ყველაზე ცნობილ რომანს?
“ჯეინ ეარი” (დები ბრონტეები)
ცნობილია, რომ ეს კუნძულები კოლუმბმა თავისი მეორე მოგზაურობისას, 1493 წელს აღმოაჩინა. ერთ-ერთი ვერსიის თანახმად, მათი სახელი მომდინარეობს ესპანური სიტყვიდან, რომელიც ნიშნავს „საწინააღმდეგოს“. ეს მიანიშნებდა იმას, რომ კუნძულები ოკეანის მეორე მხარეს მდებარეობენ. დაასახელეთ მათი სახელწოდება!
ანტილის კუნძულები
თუ საქართველოში არსებული ერთ-ერთი საგანმანათლებლო ორგანიზაციის საიტს ვესტუმრებით, ვნახავთ,რომ სხვა სასწავლო პროგრამებთან ერთად ორგანიზაცია გვთავაზობს ზოგადი ინგლისურის შესწავლას 6 დონეზე.ყოველი დონის წარწერის წინ გამოსახულია გარკვეული ფიგურა. ამ ფიგურებს ერთი თამაში აერთიანებს. თუ მიხვდით, რომელ თამაშზეა საუბარი, არ გაგიჭირდებათ დაასახელოთ ის, რითაც სწავლის ბოლო, Advanced დონე აღინიშნება.
მეფე
მე-19-20-ე საუკუნის ამ ცნობილ გერმანელ კომპოზიტორს, დაბადების დღეზე მეგობრებმა საჩუქრად ერთი არსება აჩუქეს, რომელიც დროთა განმავლობაში გაიზარდა და მისი სახლში გაჩერება პრობლემა გახდა. ამიტომ კომპოზიტორმა ეს არსება ზოოპარკს გადასცა საჩუქრად. რა გვარი იყოს ეს ცნობილი კომპოზიტორი?
შტრაუსი (არსება - სირაქლემა)
დაასრულეთ მაჰათმა განდის სიტყვები: ”სიძულვილზე გაიმარჯვეთ - სიყვარულით, სიცრუეზე - სიმართლით, ძალადობაზე -? ”
მორჩილებით (მოთმინებით)
რამდენიმე წლის წინ ფსიქოლოგები ალაპარაკდნენ დაავადებაზე, რომლითაც მაგალითად იტალიაში ყოველი მესამე მოზარდია შეპყრობილი. ავადმყოფობის ძირითადი სიმპტომია უმიზეზო შფოთვა და გამღიზიანებლობა, რომელიც ვითარდება მაშინ, როცა ავადმყოფი მისთვის საკმარისი რაოდენობით ვერ იღებს იმას, რასაც პირველად დიდ ბრიტანეთში 1992 წლის დეკემბერში გამოჩნდა. დაწერეთ სამი სიმბოლო, რომლის მიმართაც პათოლოგიურ დამოკიდებულებაზეა ლაპარაკი!
სმს (SMS)


მესამე ჯგუფი
იაპონური ლეგენდის თანახმად, მზის ქალღმერთმა ამატერასუმ ერთხელ ღრუბლებში დაიმალა და ჩამოწვა სრული წყვდიადი დედამიწაზე. იმისათვის რომ ის იძულებული გაეხადათ გამოსულიყო ღრუბლებიდან, სხვა ღმერთებმა დადგეს ხის კონსტრუქცია და მასზე დასვეს ეს ფრინველი. რომელი?
მამალი.
ძველ სპარსეთში ძალიან ხშირად დანაშაულს სჯიდნენ გაროზგვით, სულერთი იყო ღარიბი იყავი თუ მდიდარი. დანაშაულის შემთხვევაში ორივე შემთხვევაში ხდებოდა მათრახის ცემა. დასჯისას ტანსაცმელს ღარიბიც იხდიდა და მდიდარიც, თუმცა განსხვავება იყო იმაში, რომ ამის შემდეგ ღარიბებს ამათრახებდნენ ტანზე. როგორ სჯიდნენ მდიდრებს?
ამათრახებდნენ ტანსაცმელს.
ტაილანდის ზოგიერთ პროვინციაში მათ გამო ნადგურდება მარცვლეულის მთელი მოსავლის 70%. ჩინეთსი იკარგება იმდენი ტონა მარცვლეული, რამდენ ტონა ვეშაპის ხორცსაც ყიდოან. ხოლო იტალიაში ენერგო სისტემების ავარიების 30% მათი დამსახურებაა. რა აყენებს ასეთ ზიანს ამ ქვეყნებს, თუ ისინი საქართველოშიცაა?
ვირთხები (თაგვები)
ნაპოლეონს იტალიის ბრძოლებში ხშირად მოსდიოდა უთანხმოება გენერალ ოჟეროსთან, რომელიც მასზე მაღალი იყო. ერთხელაც ნაპოლეონმა მას განუცხადა: ”თუ კიდევ არ დაემორჩილებით ჩემს ბრძანებებს, ვუბრძანებ ჩვენს შორის განსხვავება მოსპონ”. როგორ ალირებდა ის ამას?
მოკვეთდა თავს
ინდოეთის და პაკისტანის მუსლიმანები თვლიან რომ ამ კომპანიის ლოგო, რომელიც სულ ორი მსგავსი სიტყვისაგან შედგება, აძაგებს ალაჰს. ისინი ამტკიცებენ, რომ კომპანიის ლოგოს წარწერა სარკული გამოსახულებით წაკითხვისას იკითხება არაბულად, როგორც ”არ არის მუჰამედი, არ არის მექა”. ამ კომპანიის პროდუქცია ძალიან პოპულარულია მთელ მსოფლიოში და მათ შორის საქართველოშიც და ის დევს შავ ყუთში. რა დევს შავ ყუთში?
კოკა-კოლა
ცნობილია, რომ სიკვდილმა მას შუა მუშაობში მოუსწრო. ერთ ფანტასიკურ მოთხრობაში, მისი სული ლოცულობს, რათა იგი მოხვდეს ისეთ ადგილას, სადაც არ არიან ბარბაროსები და მას მუშაობის საშუალება მიეცემა. ლოცვის შემდეგ მისი სული ხვდება პერუში, რითაც მოთხრობის ავტორი ნასკას გეოგლიფების წარმოშობას ხსნის. რომელ ცნობილ მეცნიერზეა საუბარი?
არქიმედე
დაასრულეთ დაოსელი მოაზროვნის ცზი ლაის სიტყვები: “ცხოვრება სიზმარია, ხოლო სიკვდილი — …”
“… გამოღვიძება”.
თქვენს წინაშეა დათო ევგენიძის პოეტური მინიატურა:
„გეუბნები რომ მიყვარხარ
მეასეჯერ!
X Y Z
არასოდეს მყვარებიხარ!“.
აღადგინეთ სამი გამოტოვებული სიტყვა «X, Y, Z» ნაცვლად!
მე ასე ჯერ
არაბებმა ერთ-ერთი ქალაქის დაპყრობისას ამ ქალაქიდან გაიტანეს 3000 საპალნე ჯართი, რომელიც ერთ-ერთ მსოფლიო საოცრებას ეკუთვნოდა. ამას 1000-მდე აქლემი დასჭირდა. დაასახელეთ, თუ რისი ნაწილები გაიტანეს არაბებმა.
როდოსის კოლოსის (ჰელიოსის ქანდაკება)
სპორტის ამ სახეობის მიმდევარმა, ჯ. უ. პერეთმა მოკლა თოლია, ხოლო 1934 წელს, კლუბ მარგარეთ-ეთ-ქლიფში ერთმა პროფესიონალმა მოთამაშემ ჩააგდო ნოკაუტში ძროხა. სპორტის რომელ სახეობაზეა საუბარი?
საუბარია გოლფზე.
“ოსკარით” დაჯილდოვების ცერემონიაზე ბედნიერ გამარჯვებულებს იქვე ართმევენ ხოლმე ნანატრ სტატუეტებს და უბრუნებენ მხოლოდ ერთი კვირის შემდეგ. რისთვის კეთდება ეს?
სტატუეტებზე იტვიფრება მფლობელის გვარი
ისტორიკოსი კარლაილი თავის ერთ ერთ წიგნში საუბრობს საფრენგეთის რევოლუციის შესახებ. წიგნი დაყოფილია სამ ნაწილად, პირველ ნაწილში საუბარია რევოლუციის საწყის ეტაპზე და მას სახელად - ”ბასტილია” ქვია, მეორე ნაწილს -”კონსტიტუცია”. რა ქვია მესამე ნაწილს, რომელშიც რევოლუციის ყველაზე სისხლიან ნაწილზეა საუბარი? გილიოტინა

მეოთხე ჯგუფი
შუასაუკუნოვანი წარმოდგენებით, ეშმაკს შეუძლია გარდაისახოს ნებისმიერ ცოცხალ არსებად, გარდა ერთი ფრინველისა და ერთი ძუძუმწოვრისა. დაასახელეთ ისინი.
მტრედი და კრავი.
ეს ინგლისელი გრაფი, აზარტული თამაშების დიდი მოყვარული იყო, რის გამოც მას ხშირად საჭმელად დროც კი არ რჩებიდა. იმისათვის, რომ საჭმელი იოლად მიერთვა, მსახური იღებდა პურის ორ ნაჭერს, მათ შორის ხორცს ათავსებდა და ისე მიართმევდა ხოლმე თავის ბატონს. თქვენ კი დაასახელეთ ამ გრაფის გვარი.
სენდვიჩი.
ამ ქვეყნის სახელმწიფო გერბზე მარჯვენა და მარცხენა მხარეს მოთავსებულია ორი პალმა, უკანა ფონზე — მზე, ხოლო ცენტრალურ ნაწილში კი ჩვენ ვხედავთ ფარს, რომელზეც გამოსახულია ცხოველის თავი პროფილში. აღსანიშნავია ისიც, რომ ცხოველს ამშვენებს მისი ერთ-ერთი ატრიბუტი. ამ ატრიბუტის გავრცელებული სახელი კი, თავის მხრივ, ფიგურირებს ქვეყნის სახელწოდებაში. დამისახელეთ ამ აფრიკული ქვეყნის თანამედროვე სახელწოდება.
კოტ დ’ივუარი
იერუსალიმში, სიონის მთის სამხრეთ ფერდობზე მდებარეობს ეკლესია, რომელსაც ეწოდება გალიკანტე. ეს ეკლესია წმინდა პეტრეს სახელობისაა. ლეგენდა გადმოგვცემს, რომ ეკლესია სწორედ იმ ადგილზეა აშენებული, სადაც პეტრეს შემოესმა… რა შემოესმა (ორი სიტყვა)?
მამლის ყივილი
1972 წელს კომპანია “ეს-ეი-პი”-ს დირექტორი ჰასეო პრატნერი იმყოფებოდა კერძო მიღებაზე “ჯეი-ვი-სი”-ს მენეჯერებთან. მან მოინდმა გადაერთო ტელევიზორის არხი, მაგრამ გაიხლართა მავთულებში, დაეცა, დააქცია კოქტეილი, დასვარა კოსტუმი და შექმნა ძალზე უხერხული სიტუაცია. ამის შემდეგ მან გამოიგონა ის რაც დევს შავ ყუთში. მაშ რა დევს შავ ყუთში?
ტელევიზორის დისტანციური პულტი
ერთხელ კომპოზიტორმა ვერდიმ განაცხადა, რომ ეს არის მუსიკის ზოგიერთი სახეობის განუყოფელი ნაწილი და მისი პარტიტურაში ჩაწერაც კი მოითხოვა. რის შესახებ ლაპარაკობდა ვერდი?
აპლოდისმენტები
ჟურნალ ”ექსპერტში” დაიბეჭდა სტატია აზარტული თამაშების შესახებ. მასში მოტანილი იყო ერთი ამერიკელის ციტატა: ”მე ძალიან სწრაფად მივხვდი, რომ თუ თამაშის საშუალებით გამდიდრება მინდა უნდა ვიყიდო ...” დაასრულეთ ციტატა ერთი სიტყვით.
კაზინო.
ინდიელების ერთ-ერთი ლეგენდა მიგვითხრობს: ინდიელებმა ამოწყვიტეს და დაწვეს კაციჭამიების ოჯახი, მათი მტკიცებით, გარდაცვილითა სულებს, სიკვდილის შემდეგაც არ მიუტოვებიათ ადამიანის შეწუხება. რის სახით მოგვევლინენ ინდიელების აზრით ისინი?
კოღოების.
ამ შეკითხვაზე პასუხის გასაცემად თქვენ უნდა იცოდეთ, რომ იაპონური სიტყვა სანიო (Sangyo) ნიშნავს წარმოებას. ახლა კი დაასახელეთ კომპანია, რომელიც 1934 წლის შემდეგ ატარებს სახელს, რომელიც იაპონურიდან შეიძლება ითარგმნოს ასე: ”იაპონური წარმოება”
ნისანი
ეს რომანი პარიზის ერთ-ერთ გაზეთში თითქმის სამი წლის განმავლობაში 1844-56 წლებში იბეჭდებოდა. რამდენიმე ხანში რომანი წიგნად გამოიცა, ავტორმა - ალექსანდრე დიუმამ კი წარმოუდგენლად დიდი ჰონორარი მიიღო. ასეთი უეცარი გამდიდრების გამო, მწერალს ხშირად ხუმრობით ამავე რომანის მთავარ პერსონაჟს ადარებდნენ.დაასახელეთ ეს ნაწარმოები.
გრაფი მონტე-კრისტო.
მეორე მსოფლიო ომის შემდგომ პერიოდში, იაპონიის ერთ-ერთ ქალაქში წარმოებული პროდუქცია ექსპორტზე აშშ-ში იგზავნებოდა. სავარაუდოდ იაპონელებმა პროდუქციის საწარმოებლად ეს ქალაქი წმინდა მარკეტინგული მიზნებით აირჩიეს, ვინაიდან ქალაქის სახელწოდება, ექსპორტირებულ საქონელზე, მყიდველისათვის უფრო მიმზიდველი გაკეთების საშუალებას იძლეოდა. დაწერეთ ამ ქალაქის სახელწოდება სამი ინგლისური ასოთი.
USA
2003 წელს ნაპოვნი იქნა უძველესი არსების ნარჩენები. ეს ფაქტი გახმაურდა და პრესა 21-ე საუკუნის უდიდეს აღმოჩენაზე ალაპარაკდა. თუმცა მეცნიერებმა ეს ”დიდი აღმოჩენა” მალევე უარყვეს, ვინაიდან დადგინდა, რომ აღმოჩენილი არსება 150 მილიონი წლის წინ მცხოვრები ჩვეულებრივი პლეზიოზავრია და მისი ასაკი ბევრად აღემატება იმ ტბის ასაკს, რომლის მახლობლადაც ის იპოვეს. დაასახელეთ ქვეყანა, სადაც ეს აღმოჩენა მოხდა.
შოტლანდია (საუბარია ტბა ლოხ-ნესის ურჩხულზე)

5 ჯგუფი

გინესის რეკორდების წიგნის მიხედვით, ყველაზე პოპულარულ და კითხვად წიგნებს შორის პირველი ადგილი ეკუთვნის ბიბლიას, რომლის საერთო ტირაჟი 6 მილიარდს ეგზემპლარს აღწევს. მეორე ადგილზეა მაო ძედუნის ციტატების კრებული (მილიარდ ეგზემპლარამდე). მესამე ადგილზეა `ბეჭდების ბრძანებელი~. დაასახელეთ წიგნი, რომელიც მეოთხე ადგილზე გავიდა.
გინესის რეკორდების წიგნი
დათო ტურაშვილს მოჰყავს ისტორია შევარდნაძის დროინდელ მინისტრზე, რომელიც მივლინებული იყო ერთ-ერთ იტალიურ ქალაქში. დილით მინისტრმა გაიხედა სასტუმროს ფანჯრებიდან და შეწუხებულმა წარმოსთქვა: „რა მანდამაინც ჩემს ჩამოსვლას დაემთხვა ეს წყალდიდობა ”. რომელ ქალაქში იმყოფებოდა ის?
ვენეცია
1983 წლის 18 ნოემბრის თვითმფრინავის გატაცებასთან დაკავშირებული მოვლენების გამო, ირაკლი ჩარკვიანი დაკითხვაზე დაიბარეს. გამომძიებელთან საუბრისას მან განაცხადა, რომ ტერორისტებთან ერთად ვერ გაფრინდა, მაგრამ აუცილებლად აიხდენს სურვილს და მაინც გაფრინდება.
- რომ ვერ გაფრინდეთ? - ჰკითხა დამცინავი ტონით გამომძიებელმა.
დაწერეთ სამი სიტყვა, რომლითაც ჩარკვიანმა გამომძიებლის ამ შეკითხვას უპასუხა. ეს სიტყვები მის სიმღერებშიც ხშირად მეორდებოდა.
მე გადავცურავ ზღვას
კანტს შეეკითხნენ:
- რომელი ქალია უფრო ერთგული, შავგვრემანი თუ ქერა?
რა უპასუხა კანტმა?
ჭაღარა
ჟურნალ “Forbes”-ის გამოკვლევების თანახმად, მამაკაცები თავისი ცხოვრების მანძილზე დაახლოებით 5 კგ ასეთ პროდუქტს მიირთმევენ. მართალია თავად პროდუქტს ნაკლებად შეიძლება მიენიჭოს საკვების სტატუსი, მაგრამ იგი ერთ-ერთი მონაწილეა იმ პროცესისა, რომელიც ზოგიერთი მეცნიერის აზრით სასარგებლოა ჯანმრთელობისათვის. რა “პროდუქტზეა” საუბარი, თუ ის დევს შავ ყუთში?
ტუჩის პომადა.
ნოდარ დუმბაძე ერთ–ერთ თავის ნარკვევში წერს: „არ არის ახლა ამერიკაში უფრო პოპულარული წიგნი, ვიდრე ალექს ჰეილის ეს წიგნი. რომლის დასაწერადაც მწერალმა შეისწავლა თავისი გვარის გენეალოგია, ჩავიდა აფრიკაში, მოძებნა ის სოფელი, საიდანაც მისი წინაპრები წამოიყვანეს და გარკვეული ხანი იცხოვრა თავის ტომის ხალხთან”. ერთი წუთის შემდეგ მითხარით რა ქვია წიგნს, რომელზეც დუმბაძე საუბრობს, თუ ის 1987 წელს გადაღებული ფილმის სახელწოდებას ემთხვევა.
ფესვები
1856 წელს მას დახმარება ფრანგმა ღვინის მწარმოებლებმა სთხოვეს, რომლებსაც ღვინო დიდი რაოდენობით უძმარდებოდათ. გამოკვლევის შედეგად მან დაადგინა, რომ ყოველივე ამის მიზეზი საფუარი იყო, რომელიც მაღალ ტემპერატურაზე დუღილისას კვდებოდა. ერთი წუთის შემდეგ დაასახელეთ ამ ადამიანის სახელი და გვარი. ლუი პასტერი
რთველი, ნისლი, რთვილი, თოვლი, წვიმა, ქარი, აღმოცენება, ყვავილი, ველი, თიბვა, სიცხე, ნაყოფი. დაასახელეთ ქვეყანა, რომელთანაც ეს სიტყვათა რიგი განუყოფლად არის დაკავშირებული.
საფრანგეთი.
ბევრ თქვენგანს სმენია მელ ბრუკსის შესახებ. ადამიანი, რომელიც გამოირჩევა თავისი მრავალფეროვანი ტალანტით. იგი ხშირად ერთდროულად გვევლინება, როგორც ფილმის რეჟისორი, ასევე სცენარისტი, მსახიობი და კომპოზიტორიც კი. ამ თვისებების გამო, მას შეარქვეს მეტსახელი რომელიც ემთხვევა 1970 წელს გადაღებულ კინოკომედიის სახელწოდებას. დაასახელეთ ეს მეტსახელი. ადამიანი-ორკესტრი
ნიუ-იორკის ერთ-ერთმა სატელევიზიო სტუდიამ დაიწყო სპეციალური გადაცემების გაშვება, რომელთა მეშვეობით სტუდია ეხმარება უძილობით დაავადებულ ხალხს. ამ გადაცემებში მონაწილეობს მხოლოდ ერთი მსახიობი. რას აკეთებს იგი გადაცემის დროს? იგი ამთქნარებს.
ძველი რომაელები მათ შორის ყველაზე მოკლეს უწოდებდნენ ”აურიკულარისს” ანუ ყურისათვის განკუთვნილს, ყველაზე გრძელს კი ”იმპუდიკუს”- ანუ გარყვნილს და აღვირახსნილს. დაასახელეთ კიდევ ერთი მათგანის ქართული სახელწოდება, რომელსაც ძველი რომაელები უწოდებდნენ ”დემონსტრატუს”-ს? საჩვენებელი თითი.
rodesac mas dausves SekiTxva: “daasaxeleT Tqveni sayavareli suraTi?”, man upasuxa: “avtomanqanis nawili, romelic badebs brma cxens, romelic kbens avtomanqanas”. daasaxeleT es pirovneba!
salvador dali

6 ჯგუფიgermaniaSi – muxa, kanadaSi – nekerCxali, holandiaSi – tita, CineTSi – iordasalami, iaponiaSi – qrizanTema, saberZneTSi – dafna, indoeTSi – lotosi, egvipteSi – papirusi, saqarTveloSi - ?

vazi
erT Zvelegviptur religiur himnSi figurirebs RmerTi, romelic “warmoiSva miwisqveSeTis siRrmeSi da Semdeg amovida dedamiwis zedapirze, raTa izrunos egviptis keTildReobaze”. ra erqva am RmerTs?
nilosi
me-20 saukunis dasawyisSi CineTSi gamoica am nawarmoebis pirveli Targmani. bevri mkiTxveli gancvifrebuli aRniSnavda: “es xom Zalian waagavs romans “sami mamaci da xuTi samarTliani”. daasaxeleT ეს ნაწარმოები, თუ ის ბევრ თქვენგანს აუცილებლად ექნება წაკითხული!
“sami muSketeri”
გინესის წიგნის მონაცემებით, შობადობის ყველაზე დიდი კოეფიციენტი იყო დაფიქსირებული კენიაში 1980-1985 წლებში. რომელი ქვეყანა დგას ამ სიის ბოლოში ყველაზე პატარა კოეფიციენტით?
ვატიკანი
ერთ–ერთი წყაროს მიხედვით, ის გახდა ცნობილი წყვილის დისლოკაციის ადგილის შეცვლის მიზეზი. სხვა წყაროს თანახმად, ის ათ წლიანი ომის მიზეზი გახდა. აგრეთვე არსებობს ინფორმაცია იმის შესახებ, რომ მისი დახმარებით განხორციელდა დიდი აღმოჩენა. რაზეა საუბარი, თუ ის დევს შავ ყუთში?
ვაშლი.
1859 წელს, როდესაც ბრიტანეთის პარლამენტში 16 ტონიანი ნივთი მიიტანეს, ლორდმა ბენჯამინ ჰოლმა შესანიშნავი სიტყვა წარმოსთქვა ამასთან დაკავშირებით. შედეგად, იუმორისტულ მოტივებზე დაყრდნობით, პარლამენტში გადაწყვიტეს, რომ ამ ლორდის მეტსახელი ზედგამოჭრილი იქნებოდა ამ 16 ტონიანი ნივთისთვის. მაშ რა საგანი, რა ნივთი მიიტანეს პარლამენტში?
ზარი
ბისმარკის “ამის” წონა იყო 1,965კგ, ბეთჰოვენის — 1,750კგ, კანტის — 1,600კგ. ყველაზე დიდი “ამის” მფლობელი კი აშშ-ში მცხოვრები მარკ უილსონია. 1998 წლისათვის მისი წონა 2,300კგ-ს შეადგენდა. რაზეა საუბარი?
საუბარია ადამიანის თავის ტვინზე.
მისი ღვიძლისაგან ქონს ამზადებენ, ჩონჩხისაგან წებოს, ხორცს საკვებად იყენებენ, ხრტილებისაგან კი კიბოს საწინააღმდეგო წამალს ამზადებენ. თითონ იგი გაუმაძღრი და მეტად ღორმუცელა თევზია. დაასახელეთ ის.
ზვიგენი.
rodesac Suasaukuneebis anatomebma pirvelad daiwyes Sida yuris agebulebis Seswavla, isini gancviprebuli darCnen xveuli klaknili milakebis simravliT, romelTa anatomiaSi garkvevac praqtikulad SeuZlebeli iyo. ra nagebobis saxelwodeba misces yuris am nawils?
labirinTi
მეოცე საუკუნის 50-იან წლებში ამ ქვეყნის მესვეურებმა გადაწყვიტეს ახალი დედაქალაქის აშენება. გადაწყდა რომ დედაქალაქი აეშენებინათ ქვეყნის გეოგრაფიულ ცენტრში, ამისათვის ქაღალდზე გააკეთეს ქვეყნის ტერიტორიის ნახაზი, ამოჭრეს ის და ფარგლის წვერით ცენტრი მოუძებნეს და ცოტა ხანში ჯუნგლების ადგილას აშენდა ქალაქი. დაასახელეთ ეს დედაქალაქი.
ბრაზილია.
Zveli egviptelebi Tvlidnen, rom aseT adamians, sanam igi miaRwevs Tavis mizans, elis didi gza. amitom mas xangrZlivad da zedmiwevniT amzadebdnen am mogzaurobisaTvis. kerZod, fexze mas acmevdnen yvelaze gamZle masalisagan damzadebul TeTr sandlebs. rogor adamianebs amzadebdnen ase egviptelebi?
gardacvlilebs
rogorc cnobilia, Zvel droSi monetebze mravali RvTaeba iyo gamosaxuli. meore mxridan ki xSirad gamoxatavdnen mmarTvels. zogierTi mkvlevaris azriT, swored aqedan modis erTi Zalze cnobili bibliuri fraza. romeli?
მიეცით უფალს უფლისა და კეისარს კეისრისა